Вилли Саниоль Амилаҭқәа рлига аматч азы Қырҭтәыла амилаҭтә аизга иалоу аспортсменцәа рыхьӡқәа иҳәеит.

Абҵара 16 рзы Амилаҭқәа рлига аҳәаақәа ирҭагӡаны Қырҭтәыла амилаҭтә аизга аспортсменцәа украинатәи ашьапылампыл асыҩцәа ирԥылоит.

Ари аматч рхы аладырхәоит:

Амбахьчаҩцәа: Гьаргь Мамардашвили («Валенсиа», Испаниа), Гьаргь Лориа («Омониа Арадипу», Кипр), Лука Гугешашвили («Пансераикосх»,Бурзентәыла).

Ахьчаҩцәа: Гурам Кашиа («Словани», Словакиа), Оҭар Какабаӡе («Краковиа», Польша), Гьаргь Гвелесиани («Персеполис», Џьамтәыла),  Соломон Кверквелиа («Динамо Қарҭ», Қырҭтәыла),  Лаша Двали («Апоель», Кипр), Лука Лочошвили («Кремонезе», Италиа), Гьаргь Гочолеишвили («Копенгаген», Даниа), Саба Гогличиӡе («Емполи», Италиа).

Абжахьчаҩцәа/ақәылаҩцәа: Отар Қитеишвили («Штурм», Австриа), Гьаргь Қочорашвили («Леванте, Испаниа»), Ника Квеквескири («Ниреҳаза», Венгриа), Анзор Меқвабишвили («Краиова», Румыниа), Леван Шенгелиа («Офи Крета», Бырзентәыла), Гьаргь Ҵитаишвили («Гранада», Испаниа), Гьаргь Чакветаӡе («Уотфорд», Англиа), Саба Лобжаниӡе («Атланта Юнаитед», ЕАШ), Зурико Давиҭашвили («Сент-Етиен», Франциа), Хвича Кварацхелиа («Наполи», Италиа), Буду Зивзиваӡе («Карлсруэ», Германтәыла),  Гьаргь Миқаутаӡе («Лион Олимпик», Франциа).