Жьҭаара 28-29 рзы Венгриа аҧыза-министр  Виктор Орбан аофициалтә визитла Қырҭтәыла даҭаауеит. Ари аинформациа аланарҵәеит аиҳабыра радминистрациа апресс-маҵзура.

Жьҭаара 29 рзы Қырҭтәыла аиҳабыра радминистрациаҿы  имҩаҧгахоит аҧыза-министр Орбан иҧылара аофициалтә церемониа.  Венгриа аиҳабыра рнапхгаҩы дидикылоит Қырҭтәыла аҧыза-министр Иракли  Кобахиӡе.

Ишиашо, иара убас, ирҭбаау аформатқәа рҿы аиҧыларақәа мҩаҧысуеит, анеҩс, Иракли Кобахиӡеи Виктор Орбани АИХқәа рзы аҳәамҭақәа ҟарҵоит.

Венгриа аҧыза-министр  аиҳабыратә делегациа иманы Қырҭтәыла даҭаауеит, аделегациа иалоуп Венгриа адәныҟатәи аусқәеи ахәаахәҭреи рзы аминистр  Петер Сииарто, Венгриа аекономикатә аҿиара аминистр  Мартон Надь, Венгриа афинансқәа рминистр  Михаи Варга, Аҳәынҭқарратә маӡаныҟәгаҩ Ианош Мате, егьырҭ аофициалтә хаҿқәа.