Венгриа аԥыза-министр Виктор Орбан асоциалтә каҭаҿы Қырҭтәыла имҩаԥгаз апарламенттә алхрақәа дрыхцәажәеит.

Виктор Орбан иажәақәа рыла, Қырҭтәыла ауааԥсыра ртәыла азы иаҳа ихырҳагоу ибзиаӡаны ирдыруеит.

«Аԥыза-министр Кобахиӡеи «Ақырҭуа гәахәтәи» иахьа имҩаԥгаз апарламенттә алхрақәа рҿы аиааира агара рыдысныҳәалоит.Қырҭтәыла ауааԥсыра ртәыла азы иаҳа ихырҳагоу ибзиаӡаны ирдыруеит.!» — иҩит Виктор Орбан.

Ателеканал «Имеди» имҩаԥнагаз аекзитпол «Gorbi» адыррақәа рыла, асааҭ 18:00 рзы иҟаз аҭагылазаашьа ала, апарламенттә алхрақәа рҿы абжьқәа абас ишоуп: «Ақырҭуа гәахәтәы – адемокртаитә Қырҭтәыла» — 56,1%. «Акзаара – Амилаҭтә ҵысра» – 11,6% «Иӷәӷәоу Қырҭтәыла – Лело» – 7,0% «Аԥсахрақәа рзы акоалициа – Гварамиа, Мелиа, Гирчи, Дроа» – 12,6%, «Гахариа Қырҭтәылазы» — 4,8%.

Ателеканал «Мҭавари» имҩаԥнагаз аекзитпол ,  «Ақырҭуа гәахәтәы » — 42%;  «Аԥсахрақәа рзы акоалициа – Гварамиа, Мелиа, Гирчи, Дроа» — 18%; «Акзаара – Амилаҭтә ҵысра» – 13%;  «Иӷәӷәоу Қырҭтәыла – Лело» – 9%;  «Гахариа Қырҭтәылазы» — 8%.