Қырҭтәыла Атәылахьчаратә мчқәа иртәу аҳаирпланқәа рырҽеиреи рмодернизациеи ашьҭахь, раҧхьаӡа акәны имҩаҧган арратә авиациа арбаратә азыҟаҵарақәа.

Ари аинформациа аланарҵәеит Қырҭтәыла Атәылахьчара аминистрра.

Аминистрра адыррала, Вазиани аполигонаҿ имҩаҧгаз арратә азыҟаҵарақәа ирылахәын азауад  «Ҭбилавиамшени» аҿы еиҭашьақәыргылаз аҧырратә аппаратқәа  Су-25, Ми-24,  «Мимино».

«Аҳаирпланқәеи агежьҧрыгақәеи реиҳара еиҭашьақәыргылоуп, ари апроцесс активла инагӡоит.

Аилахәырақәа «Дельтеи», «Тами»  «Ҭбилавиамшении» рзеиҧш ҽазышәареи  ақырҭуа специалистцәа инарыгӡаз аусуреи абзоурала, аханатә ирҽеиуп  7 ҳаирпланк  Су-25-и,  5 агежьҧрыгак  Ми-24-и. Иара убас, аҵара-аибашьратә з ҳаирпланк  «L-39»-и 2 ҳаирпланк  «Ми-8 МТВ» рырҽеиратә усурақәа мҩаҧысуеит, — иануп Атәылахьчара аминистрра аинформациаҿы.