« 2024 шықәсазы 9,5%-тәи  аекономикатә азҳара аласра  дуун, уи хазхаҭалатәи асектор аекономикатә активра ду иабзоуроуп», — иҳәеит аекономикеи иҭышәынтәалоу аҿиареи рзы аминистр ихаҭыҧуаҩ Вахтанг Цинцаӡе.

«Лымкаала,  аикәшареи, ааглыхреи,  аусурҭала аиқәыршәареи арбагақәа зеиҧшҟамлац ала идуун.  2024 шықәса аҧшьбатәи акварталаз абизнес-сектор аикәшара жәа-наӡынак рыла иазҳаит, ааглыхра аҭаӡара  —  11 наӡынала иазҳан, 23,5 млрд лари иаҟарахеит. Ааглыхра аҭаҭара аизырҳараҿы алагала ду ҟарҵеит аргылареи, аинформациеи, аимадареи, атранспорти аусхкқәа», — иҳәеит  Вахтанг Цинцаӡе.

Аминистр ихаҭыҧуаҩ ишазгәеиҭаз ала,  2024 шықәса аҧшьбатәи акварталаз аусурҭа зауз ауаа рхыҧхьаӡара иацлеит  30 нызқьҩык, зынӡа аусурҭала еиқәыршәоуп  811 нызқьҩык. Абжьаратә аулафахәы иадҳәаланы Цинцаӡе ишиҳәаз ала, абжьаратә аулафахәы  170 лари ала иазҳаит, уажәазы абжьаратә аулафахәы  2367 лари иаҟароуп.