Вахтанг Гомелаури Европа Ахеилак Апарламенттә Ассамблеиа ахаҭарнакцәа дырҧылеит
Вахтанг Гомелаури Европа Ахеилак Апарламенттә Ассамблеиа ахаҭарнакцәа дырҧылеит

Аҩныҵҟатәи аусқәа рминистр Вахтанг Гомелаури Европа Ахеилак Апарламенттә Ассамблеиа ахаҭарнакцәа дырҧылеит.  Аминистрра адыррала, аиҧылара рхы аладырхәит аҩныҵҟатәи аусқәа рминистр актәи ихаҭыҧуаҩ Шьалуа Бедоиӡеи, аминистр ихаҭыҧуаа Алеқсандр Дарахвелиӡеи Гьаргь Буҭхузии.

«Аиҧылара алахәылацәа ҵыҧхтәи апарламенттә алхрақәа раан Аҩныҵҟатәи аусқәа рминистрра имҩаҧнагоз аусмҩаҧгатәқәа ирылацәажәеит. Аҩныҵҟатәи аусқәа рминистр Апарламенттә Ассамблеиа алахәылацәа ирзеиҭеиҳәеит Қарҭ Русҭавели имҩадуаҿ имҩаҧысуаз акциақәа раан адемонстрантцәа рыла азин аилагара афактқәеи аполицаицәа рыла арҭ афактқәа еффективла рықәҿыҭреи иазкны.

Авизит аҳәаақәа ирҭагӡаны, Апарламенттә Ассамблеиа аделегациа алахәылацәа, анагӡаратәи азакәанҧҵаратәи мчра ахаҭарнакцәеи, еиуеиҧшым асекторқәа рылахәылацәеи, Жәлар рыхьчаҩи ирҧылоит.

Аиҧылара анҵәамҭаз, аганқәа рхаҭарнакцәа иаҵшьны иазгәарҭеит аусеицура анагӡареи аинформациа аиҭныҧсахлареи ишазыхиоу», — иануп Аҩныҵҟатәи аусқәа рминистрра аинформациаҿы.