Тегеран Америкагьы Израильгьы ргәырҽаннаҵоит Аиатолла Али Хаменеи иԥсыжраан ақәылара ҟамларц , мамзаргьы ӷәӷәала аҭак ҟарҵоит

Тегеран Америкагьы Израильгьы ргәырҽаннаҵоит Аиатолла Али Хаменеи иԥсыжраан ақәылара ҟамларц , мамзаргьы ӷәӷәала аҭак ҟарҵоит.

Теҳран Америкагьы Израильгьы агәҽанҵара рынаҭеит Аиатолла Али Хаменеи иԥсыжра ацеремониа аан, насгьы агәырҩа амшқәа раан ажәылара ҟамларц азы.

Хатам аль-Анбиа Ацентральтә командованиа акомандаҟаҵаҩ Али Абдоллаҳи излаизгәеиҭаз ала, Иран ас еиԥш аусмҩаԥгатәқәа ҟалар, ӷәӷәала аҭак ҟанаҵоит.

“Ҳара Иран аӷацәа, ҷыдала Америка, Сионисттә режим, ргәырҽанаҳҵоит агха ҟарымҵарц, ҳҳәынҭқарра иаҿагыланы иарбанзаалак ашәарҭара ма ақәылара азы ҳбџьаршьҭыхлатәи амчқәа иҟарҵо аҿагыларатә уснагӡатәқәа ирызхәыцырц”, – иҳәеит иара.

Аинформациатә хархәагақәа изларҳәо ала, Иран адәныҟатәи аусқәа рминистр Аббас Арагчи мышқәак раԥхьа абри аҩыза аҳәамҭа ҟаиҵеит. Уи иажәақәа рыла, Тегеран ақәлара ҟалар, иаразнак, ӷәӷәала аҭак ҟанаҵоит.

Иаҳгәалаҳаршәап, Аиатолла Али Хаменеи иԥсра азы адырра ҟаҵан жәабран 28 азы. Ирантәи аҳәынҭқарратә медиума ари ажәабжь шьақәдырӷәӷәеит хәажәкыра 1 азы. Имҩаԥысуаз аибашьрақәа ирыхҟьаны, адоуҳатә напхгаҩы иԥсыжра ахырԥан.