Цәыббра 28-29 Баҭым имҩаҧысуеит жәларбжьаратәи атуристтә форуми апремиа World Travel Awards анашьара аныҳәатә церемониеи.

Аҷара аиҳабыра иахьатәи реилатәараҿы аиҳабыра рнапхгаҩы Ҭорнике Рижваӡе  ари ауснагӡатә аиҿкааразы  еиуеиҧшым аусбарҭақәа аконкреттә адҵақәа риҭеит.

Атуризм аусхкы аҿы Оскар» ҳәа изышьҭоу ауснагӡатә  World Travel Awards Қырҭтәыла раҧхьаӡа акәны имҩаҧысуеит.  Баҭым иаҭаауеит   20 ҳәынҭқаррақәа рҟынтә атуристтә усхки, АИХқәеи, атуристтә агентрақәеи  300ҩык иреиҳаны ахаҭарнакцәа.    Баҭым имҩаҧысуа ацеремониа  World Travel Awards иалахәхәо жәларбжьаратәи АИХқәа иреиуп  Euronews, Wanderlust, Emerging Europe,  EarthPix.

Аҷара аиҳабыра ринформациала, цәыббра  29 рзы Баҭым еилкаахоит сынтәа европатәи иреиҕьу атуристтә хырхарҭақәеи аилахәырақәеи рыхьӡқәа, насгьы еилкаахоит сынтәа  World Travel Awards аҧхьахә зауа.

World Travel Awards Europe ацеремониа инаваргыланы, цәыббра  28 рзы Баҭым имҩаҧысуеит жәларбжьаратәи атуристтә форумгьы.