Цәыббра 22 рзы апарламент аҿы, «Аминистр исааҭ» аформат аҳәаақәа ирҭагӡаны, авице-аҧыза, акультуреи, аспорти, аҿар русқәеи рзы аминистр Ҭеа Ҵулукиани илзыӡырҩуеит. Цәыббра 23 рзы, агәабзиарахьчара аминистр Зураб Азарашвили, аинтерпеллиациа аформатаҿ  адепутатцәа рызҵаарақәа аҭак риҭоит.

Иахьатәи абиуро аилатәараҿы ари атәы ааицҳаит апарламент ахантәаҩы Шьалуа Папуашвили.

«Арегламент инақәыршәаны,  цәыббра аҵыхәтәантәи асессиатә амчыбжь ахәаша аинтерпеллиа  иамшуп.  Абри аформат азы ҧшьҩык адресатцәа иҟан, аҧыза-министри, адәныҟатәи аусқәа рминистри, аҵара аминистри. Аха, ишыжәдыруа ала, ҳазну амчыбжь азы ЕАР Ассамблеиа Хада мҩаҧысуеит, дара рызынтәгьы аделегациа иалоуп, убри аҟынтә, ахәашазы изаауам. Ари аинтерпеллиациа мҩаҧгахоит абҵара аҵыхәтәантәи асессиатә амчыбжь ахәашазы, абҵара 18 рзы», — иҳәеит  Папуашвили.