Қырҭтәыла аиҳабыра Starlilnk авторизациа ахьанашьаз даара ҳаргәырӷьеит, амҩанызатә системақәа  Starlink аҳархәарала, Қырҭтәылаҿ зыласра ҳараку ацәаҳәаҭбаатә интернет еиқәыршәазаауеит, – иҳәеит  Starlink абизнесоперациақәа рвице-ахада Чад Гимб. Ари атәы аарыцҳаит Аекономика аминистрра аҟынтә.

Starlink абизнесоперациақәа рвице-ахада иажәақәа рыла, аилахәыра амаҵзура алагоит 2023 шықәсазы.

Аекономика аминистрра аинформациа ала, ​Starlilnk Қырҭтәыла аусзура алагара инамаданы иахьа ваце-аԥыз, Аекономика аминистр Леван Давиҭашвили аилахәыра SpaceX арегионалтә директор Бен Мак Уилиамс диԥылеит

Илон Маск иеилахәыра  SpaceX ала ишьаҭарку Starlink иахьа Акоммуникациақәа рзы акомиссиа аҟынтә авторизациа аиуит амҩанызатә интернет амаҵзура амҩаҧгаразы.  «Starlink Georgia Қырҭтәылаҿ апрактикатә усура иалагоит. Авторизациа аҭагылазаашьақәа инықәыршәаны,  SpaceX, амҩанызатә системақәа  Starlink аҳархәарала,   Қырҭтәылаҿ зыласра ҳараку ацәаҳәаҭбаатә интернет еиқәнаршәоит. Starlink —  адунеи иреиҕьу амҩанызатә ацәаҳәаҭбаатә интернеттә системақәа иреиуп.  Уи адунеи зехьынџьара аинтернет аганахьала ауадаҩрақәа ахьыҟоу аҭыҧқәа зыласра дуу ацәаҳәаҭбаатә интернетла еиқәнаршәоит. Иахьазы  SpaceX иоунажьҭхьеит  2700 еиҳаны  Starlink амҩанызақәа. Ари асистема аҵакы ҷыда амоуп ашьахаракыратә регионқәа рҿы.  Starlink аларҵәара ашьҭахь,  агеографиатә зонақәа зегьы ирықәынхо ауааҧсыра аинтернет ахархәара рылшоит.