«Аҭынчратә европатәи аусхәаҧштә мышкала акәӡам ишааҳәыз, адыргақәа иҟеижьҭеи крызҵуеит, иаҳҳәап, Қырҭтәыла  2008 шықәсазы,  мамзаргьы, Украина 2014 шықәсазы,  аха, ҳара арҭ адыргақәа  ииашамкәа ҳрызныҟәит», — иҳәеит Словениа ахада  Борут Пахор Аглобалтә шәарҭадара афорум аҿы данықәгылоз.

Иара иажәақәа рыла, усҟан европаа агха рыхьит.

«Ҳара арҭ ахҭысқәа хаз-хазы иҟалаз аепизодқәа рҳасабала ҳрыхәаҧшуан, урҭ крызҵазкәа апроблемақәа шырхылҵуа ҳзеилымкааит.  Усҟан агха ҳахьит.  99 мшы раҧхьа Путин Украина дажәылеит. Уажәы ибзиаҵәҟьаны еилаҳкаауеит – Урыстәыла Украина мацара акәӡам изҿагыло. Урыстәылатәи арежим ҳдемократиатә принципқәа ирабашьуеит», — иҳәеит Словениа ахада.

Братислава имҩаҧысуа Аглобалтә шәарҭада афорум ихы алаирхәоит Қырҭтәыла аҧыза-министр Иракли Ҕарибашвилигьы.