«Иацы европатәи апарламентарцәақәак рҟынтә иҳаҳаит Михаил Саакашвили иоужьҭреи аполицаи иқәлареи европатәи апринципқәа ирышьашәалоуп ҳәа», —
иҳәеит Қырҭтәыла апарламент ахантәаҩы Шьалуа Папуашвили.

Папуашвили Қырҭтәыла иадҳәаланы  иацы Европарламентаҿ иҟаҵаз аҳәамҭақәа дрыхцәажәеит.

«Европарламент алахәылацәа ари азакәан европатәи апринципқәа ирышьашәалам ҳәа ианҳарҳәо,  ирҳәар ирҭаху акоуп, ҳара акриминалцәа ҳрыдгылом,  аполициа ҳақәлом.  Михаил Саакашвили ацәгьауаҩ иаҳасабала абахаҭа дҭакуп, нас, шәгәы ишҧаанаго, ҳара уи ҟаҳҵазар, европатәи апринципқәа еилаҳгама? Арҭ ауаа европатәи апринципқәа ракәымкәа, абжьааҧнытә ауаҩытәыҩсатә принципқәагьы рымам», — иҳәеит  Папуашвили.

Папуашвили ишиҳәаз ала, иацы Европарламентаҿ иқәгылоз ауаа ирылан Қырҭтәыла аполитикатә партиақәеи арадикалтә гәыҧқәеи маӡала аҧара рзоузышьҭуа ауааҧсырагьы.

«Қырҭтәыла маӡала аҧара инырхуеит  «Европатәи адемократиа афонд» ахархәарала. Ари афонд анапхгаҩцәа иреиуп Европарламент алахәылацәагьы. Иацы иқәгылеит: Анна Фотыга, Михаель Галлер, даргьы ари афонд анапхгаҩцәа иреиуп. Убри аҟынтә, ари азакәанпроект даргьы ирыдкьыслоит, ари азакәанпроект дара раартызаара иадкьыслоит, уи парадоксуп, аинтересқәа реиҿагылара, дара аартызаара иҟамзаарц азыҳәан, наҟ-наҟгьы маӡала аҧара аныхра рылшозарцаз  зегьы ҟарҵоит.

Зыхьӡ ҳәоу Европарламент алахәылацәа Қырҭтәыла арадикалтә партиақәеи агәыҧқәеи маӡала аҧара рырҭоит. Рыцҳарас иҟалаз, азакәан иҟамкәа, ҳара ари аинформациа ҳауӡом. Елене Хоштариа лҟынтә машәырла ишеилаҳкааз ала,    «Европатәи адемократиа афонд» иҳәынҭқарратә аиҿкаара  «Дроа»  аҧара азоунажьҭуеит, убри ала апартиа  «Дроа» аҧарала еиқәдыршәоит. Уи азакәандароуп, аполитика аҽалагалароуп, арадикалцәа аҧара рырҭоит.  Европарламент иалоу арҭ ауаа ақырҭуа жәлар ирҿагыланы инырхуа аҧара имаӡазар рҭахуп», — иҳәеит  Шьалуа  Папуашвили.