Ари ауаҩы, Иракли Хвадагиани,  2024 шықәсатәи апарламенттә алхрақәа дрылахәын апартиа  «Амилаҭтә ҵысра» асиала, иара ддепутатхеит, аха, егьырҭ аекстремистцәа реиҧшҵәҟьа, имандат мап ацәикит. Иахьа  «Амилаҭтә ҵысра» иаартны ирҳәоит аиҳабыра рыхҳәара шырҭаху», — иҩит апарламент ахантәаҩы Шьалуа Папуашвили асоциалтә аҳаҿы.

Папуашвили иажәақәа рыла, мышқәак раҧхьа,  «Агрантқәа ирызку» азакәан амч аиуранӡа сааҭқәак шагыз,  Франциа ацҳаражәҳәаҩ зыӡбахәы ҳәоу  «Амилаҭтә ҵысра» активист аҧара изоуишьҭит.

«Аиаша шәҭахызар,  абри афакт алагьы иубарҭоуп Қырҭтәыла аекстремизм  аҧара азоушьҭразы схемақәас рхы ишадырхәо.  Абарҭ асхемақәа роуп Америка администрациа ҿыц иаадырҧшыз,  убри азоуп дара егьырҭ атәылақәа рҿы аилаҩынтәра аҧара алаҵара изаҟәыҵыз. Агеографиатә ганахьала европауаа европатәым агәацԥыҳәарала аекстремистцәа аџьаусҧса рызшәаразы асхемақәа рхы ишадырхәо ахәаҧшра  уадаҩуп.

Франциа ацҳаражәҳәаҩ сиазҵаар сҭахын Франциа иҟоу Қырҭтәыла ацҳаражәҳарҭа Франциа аиҳабыра рыхҳәареи алхрақәа раҧыхреи азы аекстремистцәа аҧара рзыршәазҭгьы, дара иҟарҵози. Агәраганы сыҟоуп иара аҭак шидыруа, аха, аихшьаала иаша изыҟаҵом, убри аҟынтә, сиазҵаауам.

Ҳара, ҳхазы иаадыруазароуп  — уи екстремизмуп, аекстремизм аҧара алазҵо ауаа ақырҭуа жәлар бзиарак рзеиҕьаршьом», — иҩит  Папуашвили.