«35 шықәса раҧхьа абра,  абри амҩадуаҿ  еизаз ақырҭуа жәлар  ҭоуба руит рыҧсадгьыл аӡәгьы иширымҭо,  рдинхаҵара шырымҧсахуа,  ахақәиҭра ишазықәҧо,  анеҩс,  абарҭ ажәақәа ршьала ишьақәдырҕәҕәеит», — иҳәеит Қырҭтәыла апарламент ахантәаҩы Шьалуа Папуашвили жәларзегьтәи аизараҿы данықәгылоз.

Папуашвили иажәақәа рыла, ахьыҧшымра аиура ашьҭахьгьы ахақәиҭра аныхьчатәымыз аамҭа иҟамызт.

«Ҳара ак ҳхамшҭроуп,  Қырҭтәыла европатәи ацивилизациа аҧҵара иалахәын,  ахатә доуҳатәрала,  ҳӡахәала,  ҳдинла. Убри аҟынтә,  абри зегьы  –  европатәи апринципқәаҵәҟьа роуп.  Убри азоуп Қырҭтәыла Европа алалара изашьҭам,  Қырҭтәыла   –  Европоуп.  Хәыҷгьы дугьы, атәыла аҩныҵҟагьы анҭыҵгьы уи еилыркаароуп. Иахьа аполитикатә усхәаҧштә аҿы ахадаратә ҵакы рымоуп 2 зҵаарак  – ҳаҧсҭазаашьеи ҳаҧсҭазааразы атәым анырреи. Аҩ-зҵаарак рҿы лабҿаба иаабоит      ҳара ҳҿаҧхьа ишгылоу змилаҭра згәы зыздуум,  анационализм ацәанырра змам,  аха иқырҭуаау ауааҧсыра.  Дара атәым ҳәынҭқаррақәа Қырҭтәыла аасҭа иаҳа иҳаракны идыргылоит.  Избанзар ақырҭуа уаҩы иара ихала иҧеиҧш иӡбар илшоит ҳәа рхахьы ирзаагом. Ҳабиҧарақәа рзы  «ахьыҧшымреи»  «ахақәиҭреи» — баша ажәақәа ракәӡам.  Арҭ ажәақәа ирыдҳәалоуп ақәҧареи,  ахьааи,  агәырҕьара дуи», — иҳәеит  Папуашвили данықәгылоз.