«Иахьа ҳара   азинтә зҵаарақәа рзы акомитетаҿ вето азҵаара ишалацәажәоз ҳбеит, алацәажәараан ажәа  «избанзар» рзымхазар ҟалап, избанзар, атәыла ахада лхаҭарнак хықәкылатәи адискуссиа иҽахигеит», — иҳәеит Қырҭтәыла апарламент ахантәаҩы Шьалуа Папуашвили.

Папуашвили иажәақәа рыла, лабҿаба иубарҭан  «Атәым анырра аартызаара иазку» азакәан иаҿадыргылаша аргументк шрымам. Апарламент ахантәаҩы ишиҳәаз ала, атәым акторцәагьы  абри аҩыза аргумент рымам, абри ауп рыцҳарас иҟалаз.

«Рыцҳарас иҟалаз, атәым акторцәа ҳанрылацәажәо, европатәи америкатәи акторцәа Америкеи Евроеидгылеи рбиуџьетқәа рҟынтә аҧара ззоурыжьҭуа апроектқәа раргаматәра ҳазыхиоуп ҳәа имҳәаӡакәа, азакәан иаҿагылоит,  афинансыркра хәҭак имаӡазар рҭахуп.  Америкатәии европатәи афондқәа Қырҭтәылаҿ маӡала аусура рҭахуп,  ҳуааҧсыра изакәызаалак информациак рымҭакәа апартиақәеи аполитикатә гәыҧқәеи маӡала аҧара рыҭара рҭахуп, абри ауп рыцҳарас иҟалаз. Зҵакы дуу апринципқәа рылацәажәарала дара маӡала афинансыркра апрактика нарыгӡар рҭахуп, уи европатәи апринципқәа ирышьашәалам», — иҳәеит  Папуашвили.