«Венгриа имҩаҧысраны иҟоу аконференциа еиҿкаауп Америкатә аконсервативтә еидгыла ала, уахь ааҧхьара иоуит Қырҭтәыла аҧыз-министр Иракли Ҕарибашвили, Америка ацҳаражәҳәаҩ шәлазҵаа ари аиҿкаара  афашисттә еиҿкаароума ҳәа», — иҳәеит  Қырҭтәыла апарламент ахантәаҩы Шьалуа Папуашвили.

Ажурналист  изҵаара Венгриа имҩаҧысраны иҟоу,  Қырҭтәыла аҧыза-министр Иралкли Ҕарибашвили дызлахәхәо Аконсерватитә политикатә конференциа иазкын.

Папуашвили ишиҳәаз ала,  Евроеидгыла иалоу атәылақәа зегьы рҟны аусеицура аҵакы ду амоуп,  атәыла аиҳабыра европатәи аколлегацәа рҟны аимадаразы аформатқәа зегьы рхы иадырхәоит.

«Шәара  Реигани, Буши, Дональд Трампи афашисттә ахадацәа ҳәа рзышәҳәома? Аоппозициаа ишырҳәаз ала,  уи афашисттә антимраҭашәаратә конференциоуп. Нас,   Реигани, Буши,   Трампи  — антимраҭашәаратә лидерцәа роума. Даргьы ари аконференциа иалахәын.  Аконференциа аҭоурых интересс ишәымазар,  Қырҭтәыла иҟоуп Америка ацҳаражәҳәарҭа,  шәааи дара ҳразҵаап ари аконференциа афашисттә антимраҭашәаратә конференциоума. Ари ауснагӡатә еиҿкаауп америкатә консерваторцәа рыла,  Қырҭтәыла аҧыза-министргьы уахь ааҧхьара иоуит.  Ҳәарада,  Евроеидгыла иалоу атәылақәа зегьы рҟны аусеицура аҵакы ду амоуп,  атәыла аиҳабыра европатәи аколлегацәа рҟны аимадаразы аформатқәа зегьы рхы иадырхәоит.  Ишыжәдыруа еиҧш, иҳаҩсыз амчыбжь азы сара Чехиа сыҟан, уаҟа Евроеидгыла атәылақәа рпарламентқәа рхантәаҩцәа реиҧылара мҩаҧысуан. Ҳәарада, уигьы европатәи аперспективазы адгылара аиуразы алшара бзиоуп.  Убри аҟынтә, Венгриа аума, егьырҭ атәылақәа роума, Евроеидгыла иалоу атәылақәа зегьы аус рыцаауроуп, уи аҵакы ду амоуп», — иҳәеит  Папуашвили.