Қырҭтәыла апарламент ахантәаҩы Шьалуа Папуашвили иҳәамҭала, аоппозициаа дара рхала рхы ҭадырхеит,   2024 шықәсатәи алхрақәа раан ақырҭуа жәлар рҭаххара иазхамҵакәа, атәым мчқәа рыдҵала рыҧсадгьыл иаҿагылеит.

Папуашвили иҳәамҭала, атәыла анапхгара арҭ ауаа рҟны излацәажәаша рымам.

Шьалуа Папуашвили иҳәамҭала, иахьа арҭ аоппозициаа ауааи адемократиеи рыла ахәаахәҭра иаҿуп, абри апроблемоуп ахадаратә ҵакы змоу.

„2012 шықәса инаркны рметодқәа рыҧсахуам, дара методк ауп ирымоу, ауаа ацәгьаура ддырҟаҵоит, абахҭа иҭаҳкратәы иҟарҵоит, нас, арҭ ауаа рыла ахәаахәҭра иалагоит.
Михаил Саакашвилигьы абри ауп ихьыз, абрахь даарган, абахҭа дҭаҳкратәы иҟарҵеит, мамзар, иара, ишиҭахыз ала, ҭынч, Украина дыҟан. Мелиа, Амаҕлобели уҳәа, рызынтәгьы абри ауп ирыхьыз. Уи ауаа рыла ахәаахәҭроуп иаанаго. Еснагь абри аметод рхы иадырхәоит.

Аҩбатәи – адемократиала ахәаахәҭроуп, ари апроцесс 14 шықәса инагӡоит,  2012 шықәса инаркны. Зны адемократиа иажәылоит, нас, атәымуаа рыцхыраарала дара ирҭаху роур рҭахуп, уи азыҳәан рмандатқәагьы шьҭарҵеит. Уи адемократиала ахәаахәҭроуп, уи европатәи ма ацивилизациатә хымҩаҧгашьам.   Ҳәарада, Қырҭтәыла анапхгара ауааи адемократиеи рыла ахәаахәҭра иаҿу  арадикалтә гәыҧқәа рацәажәара  ргәы иҭам “, – иҳәеит Шьалуа Папуашвили.

Иацы апартиа «Лело – Қырҭтәыла ҕәҕәа» алидерцәа абрифинг мҩаҧганы ишырҳәаз ала,   «Ақырҭуа гәахәтәи»  2024 шықәсатәи алхрақәа раан ауааҧсыра реиҳара рыбжьқәа зауз аоппозициатә партиақәеи рыбжьара аполитикатә диалог иалагароуп.