«Иахьатәи амш ҳара ҳзы аҭоурыхтә ҵакы амоуп.  Франкофониа Апарламенттә Ассамблеиа, раҧхьаӡа акәны имҩаҧысуеит ари аиҿкаара иалам атәылаҿы. Убри аҟынтә, Қырҭтәыла апарламент азы ҳаҭыр дууп Ассамблеиеи уи асессиеи аҳәаақәа ирҭагӡаны  40 аделегациақәа  200ҩык рхаҭарнакцәа рыдкылара», —  иҳәеит Қырҭтәыла апарламент ахантәаҩы Шьалуа Папуашвили Франкофониа Апарламенттә Ассамблеиа асессиа аартра ацеремониаҿы.

«2008 шықәсазы  Қырҭтәыла ампыҵахалареи Украина ажәылареи лабҿаба аанарҧшит аҳәынҭқарра-агрессорцәа раанкылара аҵакы ду шамоу.  Жәларбжьартәи ауаажәларра зегьы, агеографиатә ҭыҧ иахьыҧшымкәа, ахьыҧшымреи, ахақәиҭреи, Қырҭтәыла европатәи аҧеиҧши, Украинеи иадгылоит.

Қырҭтәыла, Франкофониа Апарламенттә Ассамблеиа апринципқәа ҳаҭыр рықәнаҵоит,  аусеицура иазҿлымҳауп, жәларбжьаратәи зин шьаҭас измоу  аглобалтә аиҿкаара иадгылоит.  Абри ауп ҳтәыла европатәи аҭаацәарашҟа изырхынҳәуа.  Қырҭтәыла уи азыҳәан иаҭаху зегьы ҟанаҵоит.  Сани саби рабиҧара ҳтәыла аҳәынҭқарратә хьыҧшымра еиҭашьақәдыргылеит. Ҳара ҳабиҧара  абри ахьыҧшымра ахьчареи, атәылаҿ аҭынчреи ашәҭыкакаҷреи аиқәыршәареи иаҳуалуп», — иҳәеит  Шьалуа  Папуашвили.