«Адепутат иҭоубашьҭаҵара аҧхықәра ду ацуп, ақырҭуа жәлари уи амандати реиҷаҳара», — иҳәеит Қырҭтәыла апарламент ахантәаҩы  Шьалуа Папуашвили.

Иара игәаанагарала,   иарбанзаалак даҽа жәларык, иарбанзаалак даҽа тәылак, ма даҽа мчык ҳҳәынҭқарреи ҳажәлари рыҧсҭазаара изҳәаақәырҵом.

«Қырҭтәыла апарламент зҵакы дуу аӡбара аднакылеит. Анри Оханашвили апарламент адепутат иҭоуба даҧхьеит, уи аҿы иарбоуп адепутат иҧхықәра хада – ақырҭуа жәлар ринтересқәа рыхьчара.   Иарбанзаалак даҽа жәларык, иарбанзаалак даҽа тәылак, ма даҽа мчык ҳҳәынҭқарреи ҳажәлари рыҧсҭазаара изҳәаақәырҵом, абри ауп аартызаара  иазку азакәан зызку. Убри аҟынтә, ҭабуп ҳәа шәасҳәоит», — иҳәеит Шьалуа  Папуашвили.

Иахьа Қырҭтәыла апарламент атәыла ахада  «Атәым анырра аартызаара иазку» азакәан иақәылҵаз вето иаиааит.