Қырҭтәыла апарламент ахантәаҩы Шьалуа Папуашвили иҳәамҭала, абри аҩыза аҳәамҭақәа шьаҭас ирымоу издырӡом, атәыла изакәызаалак зҵаарак  алобирра агәы иҭам.

Папуашвили  аҭыжьымҭа The Hil аҿы икьыҧхьыз астатиа дахцәажәеит. Астатиа ишану ала, америкатә аенергетикатә еилахәыра ашьаҭакҩи агенералтә директори  Стив Никандрос Ареспубликатә партиа аҟынтә аконгрессменцәа рахь ааҧхьара ҟаиҵеит азакәан  «MEGOBARI Act» адкылара иақәшаҳаҭымхарц.

 Папуашвили иҳәамҭала, ақырҭуа жәлар ахьчара рҭахым,  Қырҭтәыла ақырҭуа-америкатә еизыҟазаашьақәа рырҕәҕәаразы иҟанаҵаз рацәоуп, абри ауп ақырҭуа жәлар зыхьчо.

«Ақырҭуа жәлар иҟарҵаз рацәоуп. Ақырҭуа-америкатә еизыҟазаашьақәа рҿы лабҿаба иаҳаарҧшит ҳара хырҳагара аиура мацара акәымкәа, ҳстратегиатә партниорцәа рыдгыларагьы ҳшазҿлымҳау. Ҳара изныкымкәа Америка жәлари аиҳабыреи ҳрыдгылахьеит. Ҳара Афганистан алахәызаара иазкны Даниа иҟанаҵаз аҳәамҭа ҳаҳаит. Ишәгәаласыршәар сҭахуп, НАТО иалам аҳәынҭқаррақәа рыбжьара Қырҭтәыла Афганистанаҿ зегьы реиҳа идууз аконтингент шамаз.  Ҳтәыла ауааҧсыра рхыҧхьаӡара иазҧхьагәаҭаны иуҳәоазар, ари аибашьраҿы зегьы реиҳа идууз ацәыӡ ҳауит, уаҟа американцәа ҳрывагыланы ҳаибашьуан.

Ақырҭуа жәлар ахьчара рҭахым,  Қырҭтәыла ақырҭуа-америкатә еизыҟазаашьақәа рырҕәҕәаразы иҟанаҵаз рацәоуп, абри ауп ақырҭуа жәлар зыхьчо. Аха, астратегиатә партниорра арҕәҕәараҿы Қырҭтәыла инанагӡо ароль аилкааразы абри зегьы убароуп, уаҳа акгьы, » – иҳәеит Папуашвили.