Германтәыла апарламент аложаҿ Зураб Адеишвили Украина апрокурор хада даниватәоу, абри аҩыза афактқәа роуп антиевропатәи агәалаҟазаара азҳара иацхраауа, – иҳәеит апарламент ахантәаҩы Шьалуа Папуашвили.

Папуашвили Зураб Адеишвили Бундестагаҿ иҟазаара иазкны иазҵааит.

Апарламент ахантәаҩы ишиҳәаз ала, ақырҭуа жәлар  ари азҵааразы аҭак раҳароуп.

„4 уск рзы ахара зду, 3 уск рзы зус еилдырго, аоппозиционер Коба Давиҭашвили ипҟаразы ахара зду  ауаҩы еиуеиҧшым аусбарҭақәа рҿы данрыдыркыло, лымкаала, Германтәыла апарламентаҿ, асасцәа рложаҿ, Украина апрокурор хада даниватәоу, уи угәы казыжьуа фактуп, абри аҩыза афактқәа роуп антиевропатәи агәалаҟазаара азҳара иацхраауа. Абахҭақәа рҿы аргәаҟра асистема аҧызҵаз, абизнес арекет асистема аҧызҵаз ауаҩы Германтәыла апарламентаҿ дышрыдыркыло анаҳбо, уи ҳгәынамӡара ахылҵуеит. Абри афакт иадҳәаланы аилыркаарақәа ҟарҵап ҳәа ҳгәыҕуеит“, – иҳәеит Папуашвили.