Европа ахеилак арезолиуциаҿы ихадоу абри ауп – дара рызынтәгьы, ҳоппозициаа рыхәҭак иреиҧшымкәа, апрогресс рбоит, – иҳәеит Қырҭтәыла апарламент ахантәаҩы Шьалуа Папуашвили.

Иара иажәақәа рыла, Еврокомиссиа 12 абжьагарақәа рҟынтәи апарламенттә аиҳара ирхьыҧшыз азҵаарақәа зегьы инагӡоуп.

„Ҵыҧх, ҭагалантәи асессиа ашьҭахь, 12 пунктқәа ирыдҳәаланы инагӡаз аусура аихшьаала азаауит, апарламенттә аиҳара ирхьыҧшыз азҵаарақәа зегьы инагӡоуп. Ҳара иаҳхьыҧшымыз азҵаарақәагьы иҟан, урҭ рыӡбаразы аквалификациатә аиҳареи 2 закәанпроектки аҭахуп, урҭ ирыдҳәаланы Венециатәи акомиссиа агәаанагара ҳазыҧшуп. Европа ахеилак арезолиуциаҿы ихадоу абри ауп – ганкахьала, дара рызынтәгьы, ҳоппозициаа рыхәҭак иреиҧшымкәа, апрогресс рбоит, абжьагарақәа реиҳара инагӡоуп.  Аха, егьы аганахьала,  аҵакы ду амоуп аганқәа зегьы рылахәызаара, ҷыдала, апарламенттә аиҳара рхаҭа ирзымӡбо  азҵаарақәа рҿы. Иаҳҳәап, аомбудсмен, мамзаргьы, Аиустициа Иреиҳаӡоу ахеилак иӡбаҩцәам алахәылацәа ралхра азҵаара“, – иҳәеит Папуашвили.

Европа Ахеилак Апарламенттә Ассамбелиа Қырҭтәыла иазку арезолиуциа аднакылеит, уаҟа Евроеидгыла алалара амзызла акандидат астатус аиуразы Еврокомиссиа Қырҭтәыла иазышьақәнаргылаз 12 абжьагарақәа рынагӡашьа иалацәажәоит.