«Аусеицуреи Ашәарҭадареи рзы Европатәи Аиҿкаара ахантәаҩи Финлиандиа адәныҟатәи аусқәа рминистри дахьыҟоу амҩа  —  аҳҭнықалақь амагистраль хадоуп. Ари асцена иалахәып мышқәак раҧхьа апрезиденттә ахан иажәылаз, 25ҩык аполицаицәа аахақәа рызҭаз жәаҩык раҟара арадикалцәа. Ҩыџьа аполицаицәа уажәгьы цәгьала иҟоуп. Уажәы арҭ ауаа закәандарала амҩа дыркит», — иҳәеит Қырҭтәыла апарламент ахантәаҩы Шьалуа Папуашвили.

Папуашвили иҳәамҭала, Қырҭтәыла азакәан инақәыршәаны, ауаа зехьынџьара аизара азин рымоуп. Аха, амҩа аркра ҟалоит ауаа атротураҿ ианамкуа мацара.

«Финлиандиа адәныҟатәи аусқәа рминистр уи лзымдыруазаргьы ҟалап, аха, аҵыхәтәантәи 13 шықәса ирылагӡаны ақырҭуа ҳәынҭқарра ахаангьы ари аҧҟара еиланамгацызт. Лара лышьҭахь апарламент аҧхьа иҟоу ашҭа убарҭоуп,  уаҟа  иахьа амҩа зыркыз ауаа раасҭа жәантә еиҳаны ауаа акуеит, ларгьы уа дрывагылоуп.  Аиҭаҵра аанкылоуп, аха, ари аизара уи адагьы ҭынч имҩаҧгазар ауан.  Уажәы Финлиандиа адәныҟатәи аусқәа рминистр Қырҭтәыла азакәан еилалгоит. Иара убас, Венатәи аконвенциа  41-тәи ахәҭаҷгьы еилалгоит. Убри ала, Финлиандиа адәныҟатәи аусқәа рминистр ҳуааҧсыра аргама идлырбеит аарҳәра аиҿкааҩцәа дышрыдгыло, ишубарҭоу ала, аҧҟарақәа рышьаҭала ишьақәгылоу жәларбжьаратәи аиҿкаара  ҵакык змам фразоуп», — иҩит  Папуашвили.