«Дара аартызаара иазку азакәанпроект аҵакы  еилмыргакәа,  зыгәрагам  аметодқәа рыла ари азакәанпроект уаҳа изаҿагылом», — иҳәеит апарламент ахантәаҩы Шьалуа Папуашвили ажурналистцәа данрацәажәоз.

Папуашвили ишиҳәаз ала, «ҵыҧх аоппозициаа, азакәан аҵакы иаламцәажәақәа, абрендқәа рыла ажәлар ирацәажәон, сынтәа ари адискуссиа аҽалагалара рықәшәоит».

«Азакәанпроект абжьааҧнытә режимаҿ ҳахәаҧшуеит, акомитетаҿгьы апленартә аилатәараҿгьы.  Иааны ирҳәааит ари азакәанпроект изаҿагыло. Аполитика иалахәы, аҳәаанырцәынтә аҧара зауа  аиҿкаарақәа аҧара ахьынтәаарго аҳәара зырҭахым рҳәааит, ажәлар ирдыруазароуп арҭ аиҿкаарақәа аҧара рызҭо, изрырҭо, шаҟа рырҭо. Убри аҟынтә, ирҳәаша рымазар, ирҳәароуп, аха, аҳәатәы рымам, абри ауп аус злоу. Дара  аҧсхықәкра  рыхьит,  аха, ажәлар абри зегьы ибзианы ирдыруеит», — иҳәеит  Папуашвили.

Иара убас, Папуашвили ишазгәеиҭаз ала, Қырҭтәыла арадикалтә гәыҧқәеи апартиақәеи маӡала ироуаз афинансқәа иаҳа ирацәахеит.