Авизит азааибагарала амҩаԥгара ҳареи ЕАШ-и иҳабжьоу апартниорра ианаалом, – иҳәеит Қырҭтәыла апарламент ахантәаҩы Шьалуа Папуашвили.

Шьалуа Папуашвили иажәақәа рыла, азааибагара ҟаҵаны аԥыза-министр аҩаӡара ҳарак ала иааԥхьара аиҩызаратә еизыҟазаашьақәа ирнаалом.

Иацы ЕАШ ацҳаражәҳәаҩ Робин Данниган иҟалҵаз аҳәамҭаҿ ишаныз ала, “Қырҭтәыла ачинҳаракҩцәа ЕАШ рышҟа иааԥхьан, аха авизитаан “Атәым нырра аартызаара иазку” азакәанпроект ахәаԥшра апарламент аҿы аамҭла аанкылатәуп” ҳәа. Ари аҳәамҭа иаҭакны Қырҭтәыла Адәныҟатәи аусқәа рминистрра аланарҵәаз аҳәамҭа аҿы ишану ала, “Авизит нагӡаанӡа аапарламент аҿы аамҭала азакәанпроект ахцәажәара аанкылатәуп ҳәа азааибагара ҳарҭан, аԥыза-министр ЕАШ ахь даарыԥхьеит, азааибагарала авизит амҩаԥгара апартниорра ианаалом”.