«Атәымуаа рыла ақырҭуа полициеи аҳәынҭқарреи аҽыҧныҳәақәа рыҭара – амчыларазы аидеологиатә аичырчароуп иаанаго», — иҳәеит Қырҭтәыла апарламент ахантәаҩы Шьалуа  Папуашвили.

Папуашвили  Қырҭтәыла иадҳәаланы иацы  Европарламентаҿ иҟаҵаз аҳәамҭақәа дрыхцәажәеит.

«Ҳара акциа амчыларашҟа ишиасыз аабеит. Ажурналистцәеи аполициа аусзуҩцәеи  ирықәлон, аполицаицәа ахаҳәқәеи егьырҭ амаҭәарқәеи ргәыдырҵон. Ирацәҳауан. Ҳара абри зегьы абҵара  7 инаркны иаҳгәалашәоит.

Абри аҩыза аусқәа еилзырго Аусеилыргаратә маҵзура ҷыда иҟоуп. Агрессиала иалкааз агәыҧқәа ҳбеит. Аполициа аусзуҩцәа рхырхарҭала амчылара иҟан, ажурналистцәа русураҿы ирҧырхаган. Апарламентаҿ аусуратә процесс анымҩаҧысуаз аамҭазы иҳәынҭқарратәым аиҿкаарақәа  еиуеиҧшым ааҧхьарақәа ҟарҵон.  Европарламент алахәылацәа иҟарҵаз аҳәамҭақәа сырзааҭгылар сҭахуп. Атәымуаа рыла ақырҭуа полициеи аҳәынҭқарреи аҽыҧныҳәақәа рыҭара – амчыларазы аидеологиатә аичырчароуп иаанаго», — иҳәеит  Шьалуа  Папуашвили.