Атәылашҟа иаауа аԥара иабантәаауа, аполитикатә зҵаарақәа рхылаԥшразы ишанырхуа Қырҭтәыла ауааԥсыра  ари иазку адыррақәа роурц азин рымоуп, – иҳәеит апарламент ахантәаҩы Шьалуа Папуашвили.

“Ари аӡбара амзызс иамаз еилаҳкаароуп. Қырҭтәыла ауааԥсыра еилыркаар рҭахын атәылашҟа агрант аҳасабла иаауа аԥара иабацо, иарбан ахырхарҭақәа рышҟа ирышьҭуа. Франциеи, Британиа Дуи, Польшеи,Финлиандиеи, Швециеи уҳәа уб. егь атәылақәарҟынтә  агрантқәа аауеит. Ари азҵаара иадҳәаланы ауааԥсыра ирымаз аинтерес иахылҵит ари ареакциа. Ҳара ҳаартызаара шәҭахызар, аԥара уаҳа шәаҳҭом ҳәа рҳәоит. Ари апозициа ҳгәы ҳнархьит. Атәылашҟа иаауа аԥара иабантәаауа, аполитикатә зҵаарақәа рхылаԥшразы ишанырхуа Қырҭтәыла ауааԥсыра  ари иазку адыррақәа роурц азин рымоуп“, – иҳәеит Папуашвили.