«Ҳшьапылампыласыҩцәа Биӡина Иванишвили  гәык-ԥсык ала иарҳәаз иҭабуп зыхҟьаз ахҭысқәа рыла «Амилаҭтә ҵысра» ахаҭара ибзиаӡаны иаҳды», — иҩит асоциалтә каҭаҿы апарламент ахантәаҩы Шьалуа Папуашвили.

Папуашвили иажәақәа рыла, «Амилаҭтә ҵысра» агәаанагара иақәшаҳаҭымхаз иацы ифырхацәаз аспортсменцәа иахьа ачарҳәаҩцәа роуп ҳәа ирыԥхьаӡеит.

Папуашвили ишазгәеиҭаз ала, жьҭаара 26 рзы имҩаԥысран иҟоу алхрақәа аҵак ду рымоуп.

«Жьҭааразы имҩаԥысран иҟоу алхрақәа ареферендум еиԥшхоит, убри аҽны ҳуааԥсыра ирыӡбароуп:

—аҭабура – ахымҩаԥгашьа нормас иахьыҟоу,

– ауахәама ажәлар ахьеиднакыло мчыс иахьыҟоу,

– аморалтәи аинтеллектуалтәи авторитетқәа ахьыхьчоу,

–  иузааигәоу мацара ракәымкуа, ақырҭуаа зегьы уара ианутәу,

— амчылареи акыдцалареи, аҳаҭыр аларҟәреи, ацәымӷреи ақәыӡбара ахьрымоу ауаажәларрас ҳҟалар иаҳҭаху иаҳҭахыму.

Убри азоуп жьҭаара 26 рзы имҩаԥысуа алхрақәа Қырҭтәыла зеиԥшроу аадырԥшуеит ҳәа заҳҳәо», — иҳәеит Шьалуа Папуашвили.