Аоппозициеи урҭ ирыдгыло аҭыҧантәи анаҧшцәеи аҭагылазаашьа цәгьазшәа егьа иаадырҧшыр рҭазыргьы,  ОБСЕ/ODIHR  аихшьаала иануп алхраҧхьатәи акампаниа ҭынч ишымҩаҧысуа, – иҳәеит Қырҭтәыла апарламент ахантәаҩы Шьалуа Папуашвили Гурџьаани ажурналистцәа данрацәажәоз.

Иара иажәақәа рыла, ОБСЕ/ODIHR  аихшьаалаҿы анапхгаратә партиа ала административтә ресурсқәа рхархәара,  амчылара афактқәа, мамзаргьы даҽа претензиақәак аарҧшым.

„Алхрақәа рҟнынӡа ҩымчыбжь аанхеит. Аихшьаалаҿы иаҵшьны иазгәаҭоуп алхратә кампаниа ҭынч ишымҩаҧысуа.  Анапхгаратә партиа ала административтә ресурсқәа рхархәара,  амчылара афактқәа, мамзаргьы даҽа претензиақәак аарҧшым“, – иҳәеит Шьалуа Папуашвили.

ОБСЕ анаҧшратә институтқәеи Ауаҩытәыҩса изинқәа рофиси (ODIHR) Қырҭтәыла алхраҧхьатәи лагылазаара иадҳәаланы абжьаратә аҳасабырба цәырыргеит. Аҳасабырбаҿы иарбоуп цәыббра 11 инаркны жьҭаара  9-нӡа атәылаҿ алхраҧхьатәи лагылазаара зеиҧшраз.