Қырҭтәыла апарламент ахантәаҩы Шьалуа  Папуашвили Амшынеиқәатәи аекономикатә усеицура Апарламенттә Ассамблеиа (PABSEC) амаӡаныҟәгаҩ хада Асаф Гаџьиев диҧылеит.

Асаф Гаџьев ишазгәеиҭаз ала, ақырҭуа делегациа  Амшынеиқәатәи аекономикатә усеицура Апарламенттә Ассамблеиа аусураҿы ароль ду нанагӡоит. Иара  Қырҭтәыла апарламент ахаҭарнакцәа ҭабуп ҳәа реиҳәеит Ассамблеиа акомитет 63-тәи аилатәара амҩаҧгаразы.

Иара убас, амаӡаныҟәгаҩ хадеи Қырҭтәыла апарлаимент ахантәаҩи лаҵарамзазы имҩаҧысраны иҟоу аилатәареи уаҟа изхәаҧшуа азҵаарақәеи ирылацәажәеит.

Шьалуа  Папуашвили ишиҳәаз ала, PABSEC  – арегионалтә диалоги аусеицуреи арҭбааразы аплатформа бзиоуп.

Иара убас, аганқәа рхаҭарнакцәа   «Абжьаратә корридор» аҵакы азҳареи ари акорридор аҿиаразы аусеицура ахымҧадареи иалацәажәеит.