«Мшаҧы 29 рзы имҩаҧысуа акциа аҵакы ду амоуп, избанзар, ақырҭуа жәлар иаартны рпозициа аадырҧшыроуп,  — атәыла аҩныҵҟагьы анҭыҵгьы иҟоу зегьы ираҳаратәы, ақырҭуа жәлар иаартны ирҳәароуп атәыла ахьыҧшымра дара рзы ҵакыс иамоу», — иҳәеит Қырҭтәыла апарламент ахантәаҩы Шьалуа Папуашвили.

Арегионалтә АИХқәа рхаҭарнакцәа данрацәажәоз Папуашвили ишиҳәаз ала, изҭаху ауааҧсыра зегьы акциашҟа иаарыҧхьоит.

«Ауааҧсыра зегьы ааҳаҧхьоит  —  ахәыҷқәеи адуцәеи, аҳәсеи ахацәеи, аҳәынҭқарратә маҵзуҩцәеи абизнесменцәеи.  Ари ахҭыс атәылауаа зегьы рзы аҵакы ду амоуп ҳәа сгәы иаанагоит, избанзар, дара ажәа хада рҳәароуп.  Аартызаара иазку азакәан ҳҳәынҭқарра аҿиаразы аҵакы ду амоуп.  Ҳажәлар иаартны ирҳәароуп дара рзы атәыла аинтересқәа ахадаратә ҵакы шрымоу», — иҳәеит Папуашвили.