Ҳара даҽазнык агәра ҳгеит ақырҭуа атәылауаҩратә уаажәларра ҭакҧхықәрала аус шыруа, урҭ реиҳара аартызаара азҵаара  ҭакҧхықәрала иазныҟәеит, – иҩит  Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили иажәақәа рыла,  аҳәаанырцәынтә аҧара  зауа 156  иҳәынҭқарратәым аиҿкаарақәа Аиустициа аминистрра аартызаара ареестр аҿы арегистрациа апроцедура иалагахьеит.

„Ҳара даҽазнык агәра ҳгеит ақырҭуа атәылауаҩратә уаажәларра ҭакҧхықәрала аус шыруа, урҭ реиҳара аартызаара азҵаара  ҭакҧхықәрала иазныҟәеит.

Аҳәаанырцәынтә аҧара  зауа 156  иҳәынҭқарратәым аиҿкаарақәа Аиустициа аминистрра аартызаара ареестр аҿы арегистрациа апроцедура иалагахьеит.

Аартызаара ареестр аҿы арегистрациа иахысыз аиҿкаарақәа рхыҧхьаӡара (144 аиҿкаарақәа) „Атәым анырра аартызаара иазку“  азакәан иазашшуаз рхыҧхьаӡара (136 аиҿкаарақәа) аасҭа еиҳауп, иара убас, 300 иреиҳаны арзаҳалқәа рыхәаҧшра иаҿуп.

Атәылауаҩратә уаажәларраҵәҟьа рҳәатәы рҳәеит. Қырҭтәыла ашәҟәы иҭагалоу  30 000 иреиҳаны икоммерциатәым аиҿкаарақәа рҟынтә  25 000 раҟара аиҿкаарақәа акыршықәса рыҩныҵҟа аус руам. Активтә аиҿкаарақәа рҟынтә  600 раҟара аиҿкарақәа аҳәаанырцәынтә аҧара роуеит, урҭ рҟынтә  136 мацароуп аартызаара згәамҧхо. 75 % рзы ари аартызаара иазку азакәан проблемас ирыҧхьаӡом“, – иҩит апарламент ахантәаҩы.