Аҭаацәаратә хәынаӡарақәа ирызку аконституциатә ԥсахрақәа рыхәаҧшра ажәлар еицырзеиҧшу ауаажәларратә форматаҿ  аҵак ду амоуп, ауааԥсыра ргәаанагара еилаҳкаароуп, – иҳәеит апарламент ахантәаҩы Шьалуа Папуашвили Амбролаури даныҟаз, уа “Аҭаацәаратә принципқәеи зықәра наӡам рыхьчареи иазку” аҧсахрақәа рыхәаҧшра ажәлар еицырзеиҧшу ауаажәларратә форматаҿы мҩаԥысит.

“Иахьа “Аҭаацәаратә принципқәеи зықәра наӡам рыхьчареи иазку” аҧсахрақәа рыхәаҧшра ажәлар еицырзеиҧшу ауаажәларратә форматаҿы Амбролаури мҩаԥаагоит. Аиԥыларақәа егьырҭ ақалақьқәеи арегионқәеи рҿы наҳагӡоит. Аҭаацәаратә хәынаӡарақәа ирызку аконституциатә ԥсахрақәа рыхәаҧшра ажәлар еицырзеиҧшу ауаажәларратә форматаҿ  аҵак ду амоуп, ауааԥсыра ргәаанагара еилаҳкаароуп. Аҭаацәаратә принципқәеи зықәра наӡам рыхьчареи иазку апроект адгылара ду амоуп, апарламентарцәа зегьы ауааԥсыра ирҭаху аӡбара рыдыркылап ҳәа сақәгәыӷуеит”, – иҳәеит Папуашвили.

«Аконституциатә закәан апроект инақәыршәаны, Қырҭтәыла Аконституциа  30 ахәҭаҷ иацлоит 3-апункт, уи ианылоит: «Аҭаацәаратә принципқәеи зықәра наӡам рыхьчареи еиқәыршәоуп Қырҭтәыла Аконституциатә закәан ала, уи Қырҭтәыла Аконституциа иузалымхуа хәҭоуп».

Аҳәсеи ахацәеи реимадара ашьаҭала иаҧҵоу аҭаацәаратә принципқәа рыхьчара амеханизми зықәра наӡам ринтересқәеи рырҕәҕәара амзызла,  аконституциатә закәан апроект иҳәаақәнаҵоит аибагареи, аҧас ма аҧҳас агареи, зықәра наӡам рхылаҧшреи, ауаҩы ихаҵара-ҧҳәысра аҧсахра амзызла амедициатә аҽалагалареи, аофициалтә документқәа рҿы ахаҵара-ҧҳәысра арбареи иазку аинформациа аларҵәареи, аизгареи, ахархәареи иазку еиуеиҧшым азҵаарақәа», — иануп Қырҭтәыла апарламент иаланарҵәаз аинформациаҿы.