“Украина аибашьра иалагеижьҭеи хышықәса ҵит,  иахьа лассы-лассы исгәалашәоит аибашьра зҭахыз агәыԥқәа рпозициақәеи ҳрегион азныҟәареи аазырԥшуаз усҟан аихқәа рҿы аларҵәара зауз аматериалқәа (аинтервиуқәа, аҳәамҭақәа, апостқәа). Абри еиԥш ахаҿқәа дреиун Евелин Фаркас. 2022 шықәса цәыббразы “Арадио ахақәиҭра” ақырҭуа биуро алҭаз линтервиу аҿы гәҭакыс ирымаз лабҿаба аарԥшуп – Қырҭтәыла аполитикатә вектор “ариашара” аҽазкра:

2022 шықәсазы алшарақәа рԥенџьыр анаартыз, Қырҭтәыла арҭ алшарақәа ацәымӡырароуп, атәыла аҿаԥхьа ааԥхьара ҿыцқәа ицәырҵуеит, атәыла хәыҷы аишәаҿ аҭыԥ аиурц азы, алагала ҟанаҵароуп; Қырҭтәыла аиҳабыра Урыстәыла иаҿагыланы асанкциақәа аднакылароуп; Қырҭтәыла Молдовеи Украинеи реиԥшымкәа, аԥхьагылара аиура алымшеит; Урыстәыла Қырҭтәыла ақәлаӡом, избан акәзар Украина ицо аибашьраҿ ақәҿиарақәа амам, афронт ҿыц азы алшарақәа амам;  Урыстәыла аҭыԥантәи провокациақәа реиҿкаара алшоит. Мраҭашәареи жәларбжьаратәи ауажәларреи Қырҭтәыла иадгылоит, Украина ишадгыло еиԥш.

Абри еиԥш ашьҭымҭақәа иахьа шәаршанхама?  Қырҭтәыла аԥыза-министр “Ақырҭуа гәахәтәы” пату зқәу ахантәаҩи аиҳабыра рықәыӷәӷәара аӡбахә анырҳәоз, ҳоппонентцәа усҟан агәра ргомызт. Евелин Фаркас лҳәамҭа хаҿык игәаанагара мацара аанарԥшуам. Ари акоординациа змаз апозициеи ауснагӡатә плани роуп.

Ашәқәа ркны имҩаԥгаз аиԥыларақәа раан ашьҭымҭақәа иаҳа иаартны ирҳәон. Адипломатцәеи, аекспертцәеи, иҳәынҭқарратәым аиҿкаарақәеи рышьҭымҭақәа еиԥшын: “алшарақәа рԥенџьыр”, “аибашьра ицозар – шәеибашьы”, “ииашоу аган алышәх” уҳәа уб. егьы. Иԥсахуан ари зҳәоз ахаҿқәа мацара”, – иҩит Папуашвили.