Апарламент ахантәаҩы Шьалуа Папуашвили асоциалтә аҳаҿы ишиҩыз ала,   USAID ала адунеи зехьынџьара алибералтә АИХқәа аҧара рзоушьҭра иахылҵыз аҭыӡшәақәа лабҿаба иаҳдырбеит абри жәларбжьаратәи  аҳа апропаганда аларҵәара ишазку.

Папуашвили иҳәамҭала, Америка администрациа ҿыц, еилыкка ирҳәеит аҳәаанырцәтәи амедиа-грантқәа – апропагандатә аҳа аҧара алаҵара шакәу.

«Америка администрациа ҿыц, еилыкка ирҳәеит аҳәаанырцәтәи амедиа-грантқәа –  Қырҭтәыла мацара акәымкәа,  Америкагьы  ганк мацара аинтересқәа аазырҧшуа апропагандатә аҳа аҧара алаҵара шакәу», —  иазгәеиҭеит Папуашвили.

Иара убас,  иара ишиҳәаз ала,  ҧырхага аазго амедиатә практика лабҿаба иубарҭахеит аҵыхәтәантәи амшқәа рзы,  Европарламент Қырҭтәыла иазкны даҽа резолиуциак анаднакыла ашьҭахь.

«Арезолиуциа ишану ала,  ақырҭуа АИХқәа рыҧшәмацәа асанкциақәа рзышьақәыргылатәуп. Аха,  убри аамҭазы,  ари арезолиуциа еиқәзыршәаз Европарламент алахәылацәа  (Макалистер, Галлер, Гета, Зовко),  Адемократиа европатәи афонд  (EED) анапхгара иреиуп. Ҽакала иаҳҳәозар,  евродепутатцәа, рхатә пропагандатә медиахархәагақәа аҧара рзоурышьҭуеит,  аха,  дара ргәаанагара иақәшаҳаҭым АИХқәа раркра иаҳәоит. Абри ауп Америка администрациа ҿыц излацәажәо», — иазгәеиҭеит Папуашвили.

Иара убас,  Папуашвили,  Қырҭтәыла иҟоу Германтәыла ацҳаражәҳәаҩ уажәааны аплатформа X аҿы иҟаиҵаз анҵамҭа дазааҭгылан, уи апропагандатә практика аҿырҧштәы бзиа ахьӡиҵеит.

«Ацҳаражәҳәаҩ иажәақәа рыла,  Евроеидгыла  Молдовазы  1,8 миллиард  евро аизгара иаҿуп, убри ала иара иҳәар иҭахын Қырҭтәыла уи еиҧш алшара ишамоуа. Аҳәаанырцәтәи аиҳыбара  ( EED) рҟынтә аҧара зауа АИХқәа ари ажәабжь инарҭбааны иаладырҵәеит,  аха,  адетальқәа гәарымҭеит. Детальк шәасҳәар сҭахуп  — зыӡбахәы ҳәоу  1,8 миллиард  евро рҟынтә  1,5 миллиард раҟара – акредит ауп,  Молдова ари акредит,  анаӡына ақәҵаны,   Евроеидгыла иазырхынҳәроуп.  Убри ашьҭахь,  Қырҭтәыла арадикалтә оппозициа,  абри ажәабжь рхы иархәаны,  аҭыӡшәа ҟарҵеит  Қырҭтәыла аиҳабыра Евроеидгыла аҟынтә ҳамҭас ироураны иҟаз аҧара рцәыӡит ҳәа.

«Адемократиа аиҷаҳара аиашара ала иалагароуп,  ари апроцессаҿ ахадаратә роль ранашьоуп иҵабыргны зхы иақәиҭу АИХқәа», — иҩит Папуашвили.