Қырҭтәыла апарламент ахантәаҩы  Шьалуа  Папуашвили туркментәи Меџьлис аҿы иҟоу Қырҭтәылаҟны аиҩызаратә гәыҧ ахаҭарнакцәа дырҧылеит.

Апарламент апресс-маҵзура аҟынтәи ишаарыцҳаз ала,  аиҧылараҿы иаҵшьны иазгәаҭан атәылақәа реиҩызаратә аизыҟазаашьақәеи аҵыхәтәантәи аамҭазы арҭ аизыҟазаашьақәа қәҿиарала рҿиареи.

Шьалуа Папуашвили Туркумен имҩаҧнаго атрадициатә политика азгәаҭаны, ишиҳәаз ала, ҳаамҭазтәи адунеиаҿ агеополитикатә аиҭакрақәа анымҩаҧысуа аамҭазы абри аҩыза аполитика аҵакы ду амоуп.

Аиҧылара алахәылацәа апарламенттә аимадарақәа рырҭбаарагьы иалацәажәеит. Иара убас, ҩ-тәылак рыбжьара аекономикатә усеицуреи, акультуреи аҵареи аусхкқәа рҿы аимадарақәеи ирзааҭгылеит.

Туркментәи аделегациа алахәылацәа даҽазнык ишьақәдырҕәҕәеит Қырҭтәыла ахьыҧшымреи аҵакырадгьылтә акзаареи ишадгыло.