Иахьа Евроеидгыла  наӡына заҵәык аекономикатә азҳара амоуп, Қырҭтәыла  – жәа-наӡынак, избанзар, ҳара аекономика ииашаны ҳазныҟәоит. Авизақәа ааныркылар, ртәыла аҧара азаазго атуристцәа нармышьҭыр, азҳарагьы роуам,  ақыҭуа жәлар уигьы ҳазхәыцроуп, – иҳәеит апарламент ахантәаҩы Шьалуа Папуашвили  „Имеди“ аефираҿ.

Адырраҭара амҩаҧгаҩ Папуашвили диазҵааит Евроеидгылаҟны авизалиберализациа аанкылара алшара иазкны.

„Қырҭтәылазы авизадатә режим аҧыхразы аӡбара рыдыркылап ҳәа ҳгәы иаанагом, уи азы изакәызаалак шьаҭак иҟам. Ари азҵаара  61 ҳәынҭқаррақәа ирыдҳәалоуп, уи аполитикатә ақәыҕәҕәареи ашантажи азы рхы иадырхәоит. Ишубарҭоу ала, иахьа бриуссельтәи абиурократиа егьырҭ атәылақәа рықәыҕәҕәаразы аберкетқәа рымазар рҭахуп. Европатәи апринципқәа ирызкны иҳацәажәо ауаа, абас, иаартны, прогмативла, егьырҭ атәылақәа рполитика анырразы аберкетқәа рымазар рҭахуп. Ари азҵаара рационалла ҳахәаҧшроуп.

Қырҭтәылазы авизатә режим аанкыларазы изакәызаалак шьаҭак иҟам. Иахьа Германтәыла ацҳаражәҳәаҩ иинтервиу сазыӡырҩуан. Иара иҳәамҭала, авиза – азинҷыдоуп, уи ахә ҳшьароуп. Ҳаргьы Германтәыла атәылауаа рзы авизадатә режим ҳамоуп, нас?! Ари авизадатә режим иаанаго акоуп, ҳуааҧсыра Германтәылаҟа ицаны, уаҟа аҧара нырхуеит, уаатәи аекономика аҧара аларҵоит.  Иахьа Евроеидгыла  наӡына заҵәык аекономикатә азҳара амоуп, Қырҭтәыла  – жәа-наӡынак, избанзар, ҳара аеконормика ииашаны ҳазныҟәоит. Авизақәа ааныркылар, ртәыла аҧара азаазго атуристцәа нармышьҭыр, азҳарагьы роуам, ақыҭуа жәлар уигьы ҳазхәыцроуп. Дара ауаа рцәанырра иалахәмарыр рҭахуп,  Берлин ма Франкфурт шәнеирцаз авиза агара  шәықәшәоит ҳәа. Уи 21-тәи ашәышықәса аполитика иақәнагоума?! Уи шәышықәса раҧхьа ахархәара змаз методуп“, – иҳәеит Папуашвили.