«Иахьатәи атурбуленттә лабҿабараҿы, патуеиқәҵареи агәреибагареи рышьаҭала ишьақәгылаз  Қырҭтәылеи Ҭырқәтәылеи реизыҟазаашьақәа аҵакы ҷыда рымоуп, арҭ аизыҟазаашьақәа есышықәса иаҳа-иаҳа иҕәҕәахоит», — иҳәеит Қырҭтәыла апарламент ахантәаҩы Шьалуа Папуашвили Ҭырқәтәыла Амилаҭтә Ассамблеиа Ду ахантәаҩы  Нуман Куртулмуши иареи Анкара еицымҩаҧыргаз абрифинг аҿы.

Папуашвили ишиҳәаз ала, дара реиҧылараҿы зҵакы дуу азҵаарақәа рацәа ирылацәажәеит, аҵакы ҷыда анашьан  «Абжьаратә корридор» аҿиара азҵаара.

«Аиҩызарала иаҳзыҟоу атәылаҿ – Ҭырқәтәыла гәахәарала аофициалтә визит мҩаҧызгоит. Сколлега, ҳаҭыр зқәу  Нуман Куртулмуш ҭабуп ҳәа иасҳәоит гәыкала ҳадкыареи алҵшәа зхылҵуа аиҧылареи азыҳәан.

Қырҭтәылеи Ҭырқәтәылеи реиҩызара астратегиатә партниорра ҕәҕәа ашҟа ииасит.  Иахьатәи атурбуленттә лабҿабараҿы Қырҭтәылеи Ҭырқәтәылеи реизыҟазаашьақәа аҵакы ҷыда рымоуп, арҭ аизыҟазаашьақәа есышықса иаҳа-иаҳа иҕәҕәахоит.

Иахьатәи аиҧылараҿы зҵакы дуу атемақәа рацәа ҳрылацәажәеит, урҭ иреиуп апарламентбжьаратә аимадарақәа рырҭбаареи, иара убас, аекономикеи аҵареи аусхкқәа рҿы аусеицуреи. Ҳара иаҵшьны иазгәаҳҭеит Кавказ арегионаҿ аҭынчреи аҭышәынтәалареи аиқәыршәара иадҳәаланы ҳгәаанагарақәа шеиҧшу. Ҷыдала ҳазааҭгылеит  Абжьаратә корридор иамоу агеополитикатә аҵакы ду. Ари акорридор Европеи Азиеи рыбжьара аекономикатә аимадарақәа арҕәҕәоит, арегионалтә усеицуреи, аенергетикатә хьыҧшымреи еиқәнаршәоит. Ари амаршрут апотенциал инаӡаны ахархәараҿы Ҭырқәтәыла зегьы реиҳа зҵакы дуу партниоруп ҳәа ҳгәы иаанагоит.

Даҽазнык ишьақәсырҕәҕәоит апарламентбжьаратә диалог арҭбаара сшазыхиоу, уи ҳтәылақәа рыбжьара ҩ-ганктәи аизыҟазаашьақәа иаҳа рырҭбаара иацхраауеит. Ҳара арегионалтә ҭышәынтәалара ацхраара наҳагӡоит.

Ҳаҭыр зқәу ахантәаҩы, гәыкала ҳадкыларазы даҽазнык ҭабуп ҳәа шәасҳәоит. Агәра ганы сыҟоуп сара свизит ҳпарламентқәа рыбжьара аимадара арҕәҕәара ишацхраауа. Шәареи Ҭырқәтәыла апарламенти ҭабуп ҳәа шәасҳәоит», — иҳәеит Шьалуа  Папуашвили.