«Иахьа ҳара Азиеи, Африкеи, Ацентртә Америкеи  атәылақәа рпарламентқәа рнапхгаҩцәа ҳарҧылар ҳҭахуп, избанзар, дара Қырҭтәыла иадҳәаланы ЕАР еиқәнаршәаз арезолиуциа иадымгылар ауеит», — иҳәеит Қырҭтәыла апарламент ахантәаҩы Шьалуа Папуашвили Ангола, уажәы иара уаҟа визитла дыҟоуп.

Иара иажәақәа рыла, аиҧыларақәа раан ЕАР арезолиуциа адгылара аҵакы  иалацәажәоит.

«Уи Қырҭтәыл адгылара мацара акәӡам иаанаго, уи ахҵәацәагьы рыдгылароуп, дара аҩныҟа ахынҳәра азин шрымоу азхаҵароуп, жәларбжьаратәи зин пату ақәҵароуп иаанаго. Ари апринцип знык еилагахар, егьырҭ атәылақәагьы  изныкымкәа   ари апроблема иҭагылар ауеит.

Абри аҩыза аиҧыларақәа рыбзоурала ЕАР арезолиуциа иадгыло атәылақәа иаҳа ирацәахап ҳәа ҳгәыҕеит. Иахьа ҳара еснагь Қырҭтәыла иадгыло ҳколлегацәа рҟны ҩ-ганктәи аиҧыларақәа мҩаҧаагоит, ҳара ҷыдала ҳраҭабууп, дара рахь ааҧхьара ҟаҳҵоит ари адгылара нарыгӡарц», — иҳәеит  Папуашвили.