Қырҭтәыла, аекономикатә азҳара аласра аганахьала, адунеиаҿ аҧхьагылара амоуп. Евроеидгыла алахәылацәагьы акандидат тәылақәагьы ҳарҧысит, – иҩит  Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили иажәақәа рыла,  егьырҭ рыдҵақәа рынагӡара акәымкәа, ҳажәлар ринтересқәа иахьынӡарыхьчо, Қырҭтәыла ҧхьаҟа ацара нанагӡоит.

„Адунеиаҿ 2 тәыла заҵәык роуп ҳара ҳаасҭа иаҳа идуу аекономикатә азҳара змоу. Ҳара Зеленски ҳаизыӡырҩызҭгьы, ҳуааҧсыра аофициалла аибашьрашҟа идәықәаҳҵазҭгьы, абри аҩыза азҳара  зыҟаломызт, избанзар, аибашьра ҳҽалаҳархәон. Урыстәыла асанкциақәа азышьақәыргылара иааҧҵәаны иаҳәоз Америка ҧасатәи ацҳаражәҳәаҩ ҳалзыӡырҩызгьы, азҳара ҳауӡомызт. Асанкциақәа рышьақәыргылареи, Урыстәыла атәылауаа ҳтәылашҟа аара азин рымҭареи, ишиашо аҧыррақәа раҧыхреи иаҳәоз Бриуссель ҳазыӡырҩызҭгьы, ҳтәыла аҿиара аиуӡомызт. Аҳәаанырцәтәи абжьагаҩцәеи абахҭа иҭаку аҧҽыҩцәеи ҳарзыӡырҩызҭгьы,  изакәызаалак аекономикатә аҿиара ҳауӡомызт, ҳтәыла аҧхьагылара аиуӡомызт. Уи ацынхәрас, аибашьара ашәарҭареи аекономикатә калапси ҳауон. Уажәгьы абасоуп ишыҟоу. Егьырҭ рыдҵақәа рынагӡара  акәымкәа, ҳажәлар ринтересқәа иахьынӡаҳахьчо, Қырҭтәыла ҧхьаҟа ацара нанагӡоит, егьырҭ рбираҟқәа рышьҭыхра наҳагӡар, иарбан еидгылазаалак ҳалаларгьы, Асовет Еидгылаҿ ҳаҟазаауеит “, – иҩит Шьалуа Папуашвили.