«Швециантә аҧара зауа  аҭыҧантәи иҳәынҭқарратәым аиҿкаара  «Жәларбжьаратәи аартызаара  – Қырҭтәыла» Қырҭтәыла аилаҩынтәра аиҿкаара анаҭаху аамҭазы, иҵабыргу  «Жәларбжьаратәи аартызаара» акоррупциа аилкаара аглобалтә индекс ҿыц цәырнагоит. Аҭҵаарақәа рылҵшәақәа даҽазнык иаадырҧшуеит Бруссель иҩбоу астандартқәа шыҟоу», – иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили иажәақәа рыла, бриуссельтәи ачынуаа Қырҭтәыла шьҭахьҟа ацара иаҿушәа аҳәара иаҿуп, аха, афактқәа даҽак аадырҧшуеит.

«Қырҭтәыла Евроеидгыла быжь-тәылаки НАТО иалоу 11 тәылаки раҧхьа игылоуп. Евроеидгыла акандидатцәа ҳрылацәажәозар  – шәхала шәазхәыц, шаҟа тәыла раҧхьа ҳгылоу. Рызынтәгьы раҧхьа ҳгылоуп. Бриуссель Қырҭтәылаҟны аиҿцәажәарақәа иалагар рҭахым, уи аполитикатә  ақәымчреи аҧынгылареи иадыргоуп», – иҩит  Папуашвили.