«Америка администрациа ҿыц  ҧырхага аазго апрактика аадырҧшит,  аха,  уи адагьы,  атәым анырра аартызаара ахымҧадара иадҳәалоу ашәарҭарақәагьы ирҿагылеит,  ҳара уи даараӡа ҳаигәырҕьоит», – иҳәеит Қырҭтәыла апарламент ахантәаҩы Шьалуа Папуашвили.

Папуашвили  Дональд Трамп америкатә университетқәа рҿы  атәым анырра аартызаара иазкны иҟаиҵаз адҵа дахцәажәеит.

Папуашвили ишазгәеиҭаз ала, адипломатцәақәаки аҳәаанырцәтәи аполитикцәеи Қырҭтәыла иаҿагыланы имҩаҧыргоз апропагандазы  ақырҭуа жәлар рҿаҧхьа аҭамзаара шьҭарҵароуп.

«Трамп ишиҳәаз еиҧш, аҧҳәыс  – дыҧҳәысуп, ахаҵа  – дхаҵоуп, убри ала иара апропагандатә цәаҳәаҿы акәаҧ иргылеит. Иара иаҵшьны иазгәеиҭеит атәым анырра аартызаара аҵакы  ду шамоу, маӡак иҟамзар аргаматәра аганахьала апроблема шыҟамло. Трампи ҳареи ари азҵаарахь иҳамоу азнеишьа еиҧшуп.  Абри ала зегьы хыркәшахоит ҳәа сгәы иаанагоит.  Молотов икоктельқәа зыршәоз ауаа уажәшьҭа идәылҵны, ари азҵааразы аилыркаарақәа ҟарҵааит.   Адипломатцәақәаки аҳәаанырцәтәи аполитикцәеи Қырҭәтыла иаҿагыланы имҩаҧыргоз апропагандазы  ақырҭуа жәлар рҿаҧхьа аҭамзаара шьҭарҵароуп», – иҳәеит  Папуашвили.

Америка ахада Дональд Трамп америкатә университетқәа рҿы атәым анырра аартызаара иазку адҵа инапы аҵаиҩит. Адҵа инақәыршәаны, Америка аҵара аминистр иреиҳаӡоу аҵараиурҭақәа рҿы атәым финансыркра иазку аинформациа аартызаара еиқәиршәароуп. Ауниверситетқәа атәым финансыркра иазку инарҭбаау аинформациа цәырыргароуп, ари афинансыркра ахыҵҵырҭеи ахықәки азгәаҭаны.