«”Аҳәынҭқарра ҵаула” иаҿагыланы ирҳәо ажәақәа Қырҭтәыла иҟоу аусқәа ирныԥшып ҳәа ҳгәыҕуеит, иҳаҳаз ажәақәа бзиоуп, уажәы аусқәа ҳрызҿлымҳауп», — иҳәеит Қырҭтәыла апарламент ахантәаҩы Шьалуа Папуашвили.

Папуашвили иҳәамҭала, Трамп иполитикеи аҳәаанырцәтәи афинансыркра иадҳәаланы  «Ақырҭуа гәахәтәы» ирымоу азнеишьеи еиҧшуп.

«Рыцҳарас иҟалаз, Вашингтон имҩаҧырго аполитикеи ирыдыркыло аӡбарақәеи макьана Қырҭтәыла ианыҧшуам. Еиҭасҳәар сҭахуп, аҵыхәтәантәи аамҭазы ҳара арадикалтә оппозициеи уи иадҳәалоу арадикалтә иҳәынҭқарратәым аиҿкаарақәеи аҭагылазаашьа дырцәгьар шырҭаху ҳбоит, дара, ишиашо Американтә аҧара роуеит. Ари аполитика апрактикаҿы ишымҩаҧырго ҳбом. Адонорцәеи, Қырҭәтәыла иҟоу Америка ацҳаражәҳәарҭеи, Америка егьырҭ ахаҭарнакцәеи рҟынтә абри аҩыза адыррақәа ҳауп ҳәа ҳгәыҕуеит.  Аполитика ахаҭа ҳалацәажәозар, гәахәарала иазгәасҭар сҭахуп Трамп иполитикеи аҳәаанырцәтәи афинансыркра иадҳәаланы  «Ақырҭуа гәахәтәы» ирымоу азнеишьеи ишеиҧшу.  Америкатә биуџьет аҟынтә иоурышьҭуаз аҧара егьырҭ атәылақәа рҿы атәым идеологиа аларҵәареи аилаҩынтәреи азы рхы иадырхәон, ҳара изныкымкәа уи ҳалацәажәахьеит, аха, еиуеиҧшым ахаҭарнакцәа уи ргәамҧхеит.  Ҳара уажәгьы ҳаҧшуп. Иҳаҳаз ажәақәа бзиоуп, урҭ Қырҭтәыла ишаныҧшуа ҳбар ҳҭахуп. Аха, макьана аилаҩынтәреи адемократиа иақәнагам ахымҩаҧгашьеи ауп иаабо. Иҟало ҳбап, ари атактика ҳацклаҧшуеит. “Аҳәынҭқарра ҵаула” иаҿагыланы ирҳәо ажәақәа Қырҭтәыла иҟоу аусқәа ирныԥшып ҳәа ҳгәыҕуеит», — иҳәеит Шьалуа  Папуашвили.