Қырҭтәыла апарламент ахантәаҩы Шьалуа Папуашвили Ҭырқәтәыла Амилаҭтә Ассамблеиа Ду ахантәаҩы  Нуман Куртулмуш диҧылеит.

Аиҧылараҿы ишазгәаҭаз ала, Қырҭтәылеи Ҭырқәтәылеи ҩ-ганктәии, иара убас, аганрацәалатәи аусеицураҿы апрогресс ду рымоуп. Хшыҩзышьҭра ҷыда азун иҳаракӡоу аҩаӡараҟны имҩаҧысуа авизитқәа рдинамика бзиа.

Шьалуа  Папуашвили аҭырқәа аган ҭабуп ҳәа реиҳәеит Қырҭтәыла ахьыҧшымреи аҵакырадгьылтә акзаареи адгылареи азхаҵамра аполитика ақәныҟәареи азыҳәан.

Аганқәа рхаҭарнакцәа апарламентбжьаратә аимадарақәа рҿы иҟоу адинамика бзиа иалацәажәан, ишырҳәаз ала, аимадарақәа рырҭбаара иазыхиоуп.

Иара убас, аганқәа рхаҭарнакцәа, апарламенттә усеицура х-ганктәи аформат аҵакы азгәаҭаны, ишырҳәаз ала, Қырҭтәылеи, Азербаиџьани, Ҭырқәтәылеи рпарламентқәа рхантәаҩцәа реиҧылара ҿыц амҩаҧгара ргәы иҭоуп.

Аиҧылараҿы арегионалтәи астратегиатәи ҵакы змоу апроектқәагьы ирылацәажәеит. Ари аганахьала ҷыдала иазгәаҭан Абжьаратә корридор аҵакы.

Шьалуа  Папуашвили  Нуман  Куртулмуш аофициалтә визитла Қырҭтәылаҟа дааиҧхьеит.

Аиҧылара ашьҭахь, аганқәа рхаҭарнакцәа апресс-конференциа еицымҩаҧыргеит. Аиҧылара мҩаҧган Қырҭтәыла апарламент ахантәаҩы Шьалуа Папуашвили Ҭырқәтәыла иофициалтә визит аҳәаақәа ирҭагӡаны.