Самарканд имҩаԥысуа UNESCO аконферренциа хада 43-тәи асессиа аҳәаақәа ирҭагӡаны, Silk Road Samarkand комплекс аҿы , ақырҭуа акультуратә ҭынха иазку апавилион аартын.

Ари инамаданы имҩаԥгаз адкылара аҿы инагӡан ақырҭуа полифониатә музыка.

Адкылара аалыртит Қырҭтәыла Адәныҟатәи аусқәа рминистр Мака Боҷоришвили.

Ақәгылараан аминистр Қырҭтәыла иматериалтәым акультуратә ҭынха – қвеври аҿы аҩыҟаҵара 8000 шықәсатәи атрадициеи ақырҭуа полифониатә музыка ауникалреи дрыхцәажәеит.

Мака Боҷоришвили узбектәи лколлегаҵәа адгылареи, асасдкылареи рзы ҭабуп ҳәа ралҳәан, Қырҭтәылеи Узбекистани аиҩызаратә еизыҟазаашьақәа шрыбжьоу инаҵшьны иазгәалҭеит.

Адкылара рхы аладырхәит Узбекистан Ареспублика Адәныҟатәи аусқәа рминистр Бахтиор Саидов, Узбекистан аиҳабыра рхаҭарнакцәа, UNESCO анапхгаҩцәа,  еиуеиԥшым атәылақәа рҟынтәи аделегациақәеи адипломатцәеи.