«Америка ахада Џьо Баидени, Америка аҳәынҭқарратә маӡаныҟәгаҩ Ентони Блинкени, ҳара ҳазынтәгьы Қырҭтәылеи Америкеи рыбжьара апартниорреи аиҩызареи иаҳа арҕәҕәара ҳшахыццакуа», — илҳәеит Қырҭтәыла иҟоу Америка ацҳаражәҳәаҩ ҿыц Робин Данниган Қырҭтәыла аҧыза-министр Иракли Ҕарибашвили даниҧыла ашьҭахь.

Лара ишылҳәаз ала, Америка еиуеиҧшым ахырхарҭақәа рыла Қырҭтәыла иацхраауеит.

„Аҧыза-министр иҟны иахьатәи аиҧылара иҳаракны ахә сшьоит. Сара аҧыза-министр иасҳәеит Америка ахада Џьо Баидени, Америка аҳәынҭқарратә маӡаныҟәгаҩ Ентони Блинкени, ҳара ҳазынтәгьы Қырҭтәылеи Америкеи рыбжьара апартниорреи аиҩызареи иаҳа арҕәҕәара ҳшахыццакуа. 31 шықәсатәи ҳаиҩызареи ҳпартниорреи  иалагӡаны, Иеиду Аштатқәа еиуеиҧшым ахырхарҭақәа рыла Қырҭтәыла иацхраауеит – аҵареи агәабзиарахьчареи аусхкқәа рҿы, иара убас, аинфраструктура аҿиараҿы. Ақырҭуа аруаа Афганистани, Ираҟи, Косовои америкатә аруаа ирывагылан.

Иара убас, сара аҧыза-министр иасҳәеит Мраҭашәарашҟа, Евроеидгылеи НАТОи рышҟа Қырҭтәыла аинтеграциа адгылара сшахыццакуа. Сара ҳажәларқәа рыбжьара аизыҟазаашьақәеи ҳекономикатә еизыҟазаашьақәеи иаҳа исырҭбаар сҭахуп, убри аҟынтә, абри атәылеи ақырҭуа жәлари иаҳа еиҕьны издыруазар сҭахуп“,- илҳәеит Робин Данниган.

Ари аинформациа аланарҵәеит Қырҭтәыла аиҳабыра рпресс-маҵзура.