Реџьеп  Таип Ердоҕан  - Шәамахьтәыла аҭынчра ашьақәыргыларазы иаиуз аҭоурыхтә алшара ахы анархәароуп
Реџьеп  Таип Ердоҕан  - Шәамахьтәыла аҭынчра ашьақәыргыларазы иаиуз аҭоурыхтә алшара ахы анархәароуп

«Шәамахьтәыла аҭынчра ашьақәыргыларазы иаиуз аҭоурыхтә алшара ахы анархәароуп», — иҳәеит Ҭырқәтәыла ахада Реџьеп Таип Ердоҕан Азербаиџьан ивизитаан АИХ ахаҭарнакцәа данырҧылоз.

Ердоҕан ишазгәеиҭаз ала, Ҭырқәтәыла Шушаҿ агенералтә консулра аартра агәы иҭоуп.

Иара убас, Ҭырқәтәыла ахада  Зангилантәи жәларбжьаратәи аҳаирбаҕәаза аҵакы далацәажәеит, иацы  иареи Азербаиџьан ахада Илҳам Алиеви ари аҳаирбаҕәаза аартра ацеремониа рхы аладырхәит.

Зангилан  астратегиатә аҵакы ду амоуп, уаҟа идыргылаз аҳаирбаҕәаза Азербаиџьан мацара акәымкәа, арегион зегьы аҿиара иацхраауеит, — иҳәеит Ердоҕан.

«Аахыҵ Кавказ иазку ҳхәаҧшырақәа аҭынчреи, аҭышәынтәалареи, аҿиареи ауп шьаҭас ирымоу.  Аҳәаақәа рдемаркациа, Нахчывани Азербаиџьан мраҭашәаратә раионқәеи рыбжьара аимадара аартра,  Шәамахьтәылаҟны аҭынчратә аиқәшаҳаҭра адкылара уҳәа, абарҭ ашьаҿақәа зегьы арегионаҿ аҭынчра ашьақәыргылара иацхраауеит, аха, уи азы ахә ду ашәара ҳақәшәеит», — иҳәеит Ердоган.

Ҭырқәтәыла ахада иажәақәа рыла, Азербаиџьани Шәамахьтәылеи реиҿцәажәарақәа рҿы апрогресс Анкареи Еревани рыбжьара аизыҟазаашьақәа рҭыҧқәҵаразы анырра бзиа амоуп.