«Мамука Хазараӡеи  Бадри Џьаҧариӡеи  Қырҭтәыла иаҿагыланы излагаз аимак Қырҭтәыла аиааирала ихыркәшан, дара Қырҭтәыла аиҳабыра  650 нызқь адоллар рызшәара рыдырҵеит», — иҳәеит аиустициа аминистр Рати Брегаӡе абрифинг аҿы.

Рати Брегаӡе иҳәамҭала, арбитраж ишьақәнарҕәҕәеит Қырҭтәыла аиҳабыра аинвестициатә аиқәшаҳаҭра закәанла ишаҧырхыз.

«2024 шықәса ҧхынгәы 29 рзы, Парижтәи арбитраж ари аус иадҳәаланы ақәҵара аднакылеит. Ари аимак Қырҭтәыла аиааирала ихыркәшан. Ишдыру ала, ари аимак   2016 шықәса жьҭаара 3 рзы Қырҭтәыла аиҳабыреи аилахәыра «Анаклиа аҿиара аконсорциуми» Анаклиатәи абаҕәаза аргылареи ахылаҧшреи иазкны ирыбжьарҵаз аиқәшаҳаҭра иазкын.

Лымкаала,  аинвестор ила изныкымкәа аинвестициатә аиқәшаҳаҭра аилагара амшала, Қырҭтәыла аиҳабыра ари аиқәшаҳаҭра аҧыхра рықәшәеит. Парижтәи арбитраж ишьақәнарҕәҕәеит Қырҭтәыла аиҳабыра аинвестициатә аиқәшаҳаҭра закәанла ишаҧырхыз. Мамука Хазараӡеи  Бадри Џьаҧариӡеи  Қырҭтәыла иаҿагыланы излагаз аимак Қырҭтәыла аиааирала ихыркәшан, дара Қырҭтәыла аиҳабыра  650 нызқь адоллар рызшәара рыдырҵеит», — иҳәеит  Рати Брегаӡе.