«Раҧхьатәи апроект инақәыршәаны, Қарҭ 2026 шықәсатәи абиуџьет 2 082 482 000 лари иаҟарахоит, абиуџьет апроект қарҭтәи Сакребуло ахь идәықәҵоуп», – иҳәеит Қарҭ ахада Каха Калаӡе ақалақь аиҳабыра реилатәараҿы.

Каха Калаӡе иҳәамҭала, анеҩстәи ашықәс абиуџьет сынтәатәи абиуџьет аасҭа 100 миллион  лари ала еиҳауп.

«Ақалақь афинанстә документ хада имазеиуп  –  Қарҭ  2026 шықәсатәи абиуџьет апроект Сакребуло ахь идәықҵоуп. Уи раҧхьатәи авариант ауп.  2026 шықәсатәи абиуџьет  2 082 482 000 лари иаҟароуп. Анеҩстәи ашықәс абиуџьет сынтәатәи абиуџьет аасҭа 100 миллион  лари ала еиҳауп», – иҳәеит Қарҭ ахада.

Каха Калаӡе иҳәамҭала, абиуџьет еизыршоит абарҭ априоритетқәа инрықәыршәаны: атранспорттә инфраструктура, аекологиа аиҕьтәра, хазхаҭалатәи анхарҭа аиҩызара адгылара, агәабзиарахьчара, асоциалтә усхкы, акультура, аспорт, аҿар.

Иара убас, Калаӡе ишиҳәаз ала, аҳәынҭқарратә биуџьет аҿы иазҧхьагәаҭоуп адонортә  усхкы, уи иазоурыжьҭуеит  168 000 000 лари.

«Ишысҳәаз еиҧш, абиуџьет раҧхьатәи авариант Сакребуло ахь идәықәҵоуп. Уажәы акомиссиақәеи афракциақәеи рҿы апроект ахәаҧшра иалагоит. Ари апроцессаҿ Афинансқәа рминистрреи аиҳабыреи активла аус рыцаауеит,  2026 шықәсатәи аплан иарбоу апроектқәа рзы иацҵаны аҧара ҳзоурышьҭырц азыҳәан. Зымҽхак дуу апроектқәа рынагӡара ҳгәы иҭоуп. Аҧыза-министр аусеицуразы ҭабуп ҳәа иасҳәоит, Афинансқәа рминистрра иаҳзаанарҧшуа адгыларазы ҳраҭабууп, абри зегьы абзоурала арҭ апроектқәа рынагӡара ҳалшоит», – иҳәеит Қарҭ ахада.

Иара иажәақәа рыла, абиуџьет аҵыхәтәантәи, ирдуу аверсиа Сакребуло адыргалоит ҧхынҷкәын  10 рзы.