Аҩныҵҟатәи аусқәа рминистр Вахтанг Гомелаурии испаниатәи иколлега  Фернандо Гранде-Марласка Гомеси „Қырҭтәылеи Испаниеи рыбжьара амилаҭтә Амашьынарныҟәцара агәраргара азхаҵареи аиҭныҧсахлареи иазку“ аиқәшаҳаҭра рнапы аҵарҩит. Ари аинформациа аланарҵәеит Қырҭтәыла Аҩныҵҟатәи аусқәа рминистрра.

Аминистрра адыррала, Вахтанг Гомелаурии ақырҭуа делегациеи аофициалтә визитла Испаниа иҟоуп.

„Испаниа аҳраҿы аҩныҵҟатәи аусқәа рминистр дидикылеит испаниатәи иколлега Фернандо Гранде-Марласка Гомес. Аиҧылараҿы аганқәа рхаҭарнакцәа  азинхьчара аусхкы аҿы аусеицура аҵаки наҟ-наҟтәи апланқәеи ирылацәажәеит.

Зыӡбахәы ҳәоу аиқәшаҳаҭра амч анаиулак  ашьҭахь, амашьынарныҟәцара агәраргара змоу ауааҧсыра, атеориатә ма апрактикатә аҧышәара имҭиикәа, закәанла иахьынхо аҳәынҭқарраҿы абри аҩызаҵәҟьа амч змоу арныҟәцара агәраргага роур рылшоит“, – иануп Аҩныҵҟатәи аусқәа рминистрра аинформациаҿы.